ڄامشورو ۾ زخمي ڪندڙ جوابدارن جي گرفتاري لا زال مڙس جو احتجاج

ڄامشورو: ڄامشورو جي ڳوٺ چاڪر خان راڄڙ جي رھواسي زال مڙس خميسو تماچي ۽ نسرين تماچي پنھنجي محصوم ٻارڙن سميت ڄامشورو ڊسٽرڪٽ پريس ڪلب آڏو احتجاج ڪندي چيو ته گهرڀاتين جي ڪنهن مسئلي تي پاڻ ۾ منهن ماري ٿي پئي، جنهن بعد گهٽي مان لنگهندڙ وجاھت راڄڙ، وسيم راڄڙ ۽ وقار راڄڙ معصوم ٻارڙن ۽ عورتن تي وحشياڻو تشدد ڪري اجي تماچي ۽ ارشاد تماچي کي زخمي ڪري ڇڏيو، جن مان ارشاد تماچي جناح اسپتال ۾ داخل آهي، پر پوليس جوابدارن کي گرفتار نه ڪري رهي آهي. هنن اختيارين کان جوابدارن جي گرفتاري جي گهر ڪئي.