لاڙڪاڻي ۾ رڪشا يونين پاران آفيس تي قبضي خلاف احتجاج

لاڙڪاڻي ۾ رڪشا ڊرائيور يونين طرفان يونين آفيس تي مبينا قبضي خلاف پريس ڪلب اڳيان احتجاجي مظاهرو ڪيو. ان موقعي تي يونين اڳواڻن گلزار گوپانگ، محمد ايوب کوسو، غلام قادر سومرو، حاڪم علي سانگي ۽ ٻين چيو ته بااثرن روشن علي جاگيراڻي، سيد ظفر شاھه ۽ انور علي جتوئي اسان جي رڪشا يونين آفيس کي تالا هڻي قبضو ڪيو آهي جيڪا سراسر ناانصافي آهي. هنن ڊي آءِ جي ۽ ايس ايس پي لاڙڪاڻي کي اپيل ڪئي ته نوٽيس وٺي يونين آفيس تان قبضو ختم ڪرائي بااثرن کي گرفتار ڪري ڪيس داخل ڪيو وڃي ٻي صورت احتجاج جو دائرو وڌايو ويندو.