ٺٽو: پريس ڪلب ٺٽو جي باني ميمبر سينيئر صحافي چاچا عبداللطيف ميمڻ جو فرزند نوجوان صحافي خالد لطيف ميمڻ ڪجھه وقت بيمار رھڻ بعد گذريل رات دير سان ڪراچي جي نجي اسپتال ۾ علاج دوران لاڏاڻو ڪري ويو، صحافي جو مڙهه لاش مڪلي گھر پھچڻ تي ڪھرام مچي ويو، جڏهن ته سندس جنازي نماز مڪلي تي ادا ڪرڻ بعد کيس سوين آلين اکين سان مڪلي جي قبرستان ۾ مٽيءِ ماءُ حوالي ڪيو ويو.
جنازي ۾ پ پ ايم اين اي سيد اياز شاھه شيرازي، اڳوڻي ايم پي ايز امير حيدر شاهه شيرازي، سيد منظور شاھه شيرازي، اڳوڻو تعلقي نائب ناظم خير محمد بروھي، ميونسپل ڪيٽي جي اڳواڻي چيئرمين ممتاز علي ميمڻ، پريس ڪلب ٺٽو جي صدر اقبال جاکرو، عبدالوهاب شيخ، سينيئر صحافي اقبال خواجه، ڊاڪٽر شاهه صديقي، ڀورو سرڪي، حاجن سولنگي، رحمت الله ڇٽو، حاجي منور ھيلايو، پير غلام رحماني، پير زين العابدين شاھه جيلاني، حاجي شفيع محمد ڪھيو سميت ٻين شرڪت ڪئي.
