سڳيون ۾ تعلقي سوڀوديرو جي آ بي اي جي ٽيسٽ پاس ڪندڙ اميدوارن سڳيون پريس ڪلب کان ريلي ڪڍي شهر جي مختلف چوڪن کان ٿيندي شاهي بازار جي مکيه چوڪ تي احتجاجي مظاهرو ڪيو. ان موقعي تي ساجد شاھه، مقصود چنو، شاهنواز چنو، زين شاھه، سيد منير شاھه، عابد سهتو، شوڪت قريشي، نصر الله سهتو ۽ ٻين چيو ته تعلقي سوڀوديرو ۾ انرولمينٽ جي حساب سان استادن جون 700 سيٽون ٿين ٿيون پر افسوس جو تعليم کاتي ٻٽو معيار برقرار رکندي اسان جي تعلقي کي صرف 150 سيٽون ڏنيون آهن، جيڪو ڳڻتي جوڳو عمل آهي، ان ناانصافي سان تعلقي جي تعليم تباھه ٿي ويندي، جيڪا ناقابل برداشت آهي، هنن مطالبو ڪندي چيو ته تعلقي جي ايس اين ئي وڌائي قانون موجب سيٽون نه مهيا ڪندا ته سيڪريٽري تعليم جي آفيس اڳيان ڌرڻو هڻنداسين.
