ڀٽ شاھه: ڀٽ شاھه ۾ بلدياتي اليڪشن جون سرگرميون وڌي ويون، ٽائٔون جي 7 وارڊن لا 30 کان وڌيڪ اميدوارن نامزدگي فارم وصول ڪري ورتا، پيپلزپارٽي ڀٽ شاھه جي ٽن وارڊن تي پنھنجا اميدوار تبديل ڪري ڇڏيا، وارڊ نمبر 3 تي واجد علي ملاح، وارڊ نمبر 4 تي سيد رضا رضوي ۽ وارڊ نمبر 4 تي مشھور نوحا خوان ۽ قصيدا خوان، سيد مير محمد ڪاظمي کي اميدوار نامزد ڪيو ويو، مشھور نوحا خوان ۽ قصيدا خوان سيد ميرمحمد ڪاظمي سياست ۾ حصو وٺڻ واري اعلان بعد ميڊيا سان ڳالھائيندي چيو ته ڀٽ شاھه نگري جي خدمت لا اليڪشن ۾ بيھڻ جو فيصلو ڪيو آھي، ھن چيو ته اسان جو ڪم عوام جي خدمت آھي، سياست کي عبادت سمجھي درگاھه جي سجاده نشين سيد وقار حسين شاھه جي ھدايتن تي اليڪشن ۾ بيٺو آھيان.
