ڪڪڙ/راڌڻ: پ پ ايم پي اي انجنيئر عبدالعزيز جوڻيجو ڳوٺ خوشالاڻي گاڏهي ۾ تقريب کي خطاب ڪندي چيو ته لياقت علي جتوئي جو سياسي باب بند ٿي چڪو آهي، سندس ويجها ساٿي کيس الوداع چئي پ پ ۾ شامل ٿي رهيا آهن، خبر ناهي ته لياقت جتوئي هن وقت ڪهڙي پارٽي ۾ آهي، جيڪو پنهنجي مفادن خاطر پارٽيون تبديل ڪندو رهي ٿو، عوام کيس رد ڪري ڇڏيندو آهي. جڏھن ته پي ٽي آ اڳواڻ لياقت علي جتوئي جي ساٿين وڪيل همت علي گاڏهي، امداد حسين گاڏهي، ذولفقار علي گاڏهي، محمد علي گاڏهي، مختيار ملاح، حاجي نادر علي گاڏهي، مظهر علي تيوڻو، محمد خان ساند، حاجي ڌڻي بخش گاڏهي، فيض چانڊيو، علي بخش، تاج محمد چانڊيو ۽ ٻين پ پ ۾ شموليت جو اعلان ڪيو.
