سن: لاکڙا ڪول مائنر ٿاڻي جي حد ۾ سنڌ لاکڙا ڪول مائنز ڪمپني ۾ ڪوئلي جي مزدوري ڪندڙ اڇڙي ٿر واسي 17 ورھين جو نوجوان عبدالڪريم راڄڙ ڀت ڪيرائٔڻ دوران دٻجي ويو، جنهن بعد پورهيتن ٽن ڪلاڪن بعد نوجوان جو لاش ڪڍيو، جڏهن ته فوتي نوجوان جو لاش مانجهند اسپتال منتقل ڪيو ويو. ان موقعي تي فوت ٿيل پورھيت جي وارثن ٻڌايو ته ڪمپني انتظاميا وٽ ٽريڪٽر ۽ ٻئي مشينري به ھئي پر پو به پورھيت عبدالڪريم راڄڙ کي ڪمپني انتظاميا اڪيلي ڀت ڪيرائڻ لا موڪليو، جنهن ڪري هو دٻجي فوت ٿيو آهي. هنن وڌيڪ چيو ته ڪمپني انتظاميا جي نااهلي سبب پورهيت فوت ٿيو آهي، هن جو ڪيس ڪمپني انتظاميا خلاف داخل ڪيو ويو.
