پيرڳوٺ: سنڌ جي ناليواري شاعر ۽ اديب مختار گهمرو جي 13 هين ورسي تقريب سندس اباڻي ڳوٺ فتح الله گهمرو ۾ ٿي گذري. ورسي تقريب ۾ ناليوارن شاعرن ۽ اديبن اياز گل، ادل سومرو، سرور سيف، فيض سومرو، لالا رسول بخش، اختيار گهمرو، حبيب الله سولنگي، غلام شبير گهمرو، غلام اصغر مهيسر، بنگل گهمرو، استاد الطاف عباسي ۽ ٻين شرڪت ڪئي. ان موقعي تي تقريب کي خطاب ڪندي اياز گل، ادل سومرو، سرور سيف ۽ ٻين چيو ته مختار گهمرو اسان سڀني لا آئيڊيل هو، هن هميشه پنهنجي لکڻين ذريعي سنڌ ڌرتي جي ماروئڙن جي خدمت ڪئي ۽ هارين جي حقن لا ڀرپور آواز اٿاريو. هنن وڌيڪ چيو ته مختار گهمرو تمام وڏو شاعر هو، هن هر طريقي جي شاعري ڪري پاڻ مڃايو ۽ ٻاراڻي شاعري پڻ ڪئي. هنن چيو ته ثقافت کاتي مختار گهمرو کي وساريو ڇڏيو آهي، جنهن ڪري سرڪاري سطح تي ورسي ملهائي پئي وڃي.
