ميرپورماٿيلو جي اناج منڊ ڀرسان جا رھواسي ڳوٺ ونگو ۾ ھڪ تلا ۾ وھنجندي 3 ٻار ٻڏي فوت ٿي ويا. ٻڏي فوت ٿيندڙن ۾ عرفان پٽ انور بوزدار، احمد پٽ عباس سومرو ۽ ريحان پٽ ڪامران سميجو شامل آهن. اطلاع تي وارثن ۽ ڳوٺاڻن ٻارن جا لاش کڻائي سول اسپتال پھچايا، جتي ڊاڪٽرن ٻڌايو ته ٽئي ٻار فوت ٿي چڪا آھن، سندن گھرن ۾ روڄ راڙو مچي ويو. جڏهن ته تلا ۾ ٻڏي فوت ٿيل ٻارن جي ڌار ڌار تدفين ٿي. فوتي احمد پٽ عباس سومرو کي ڳوٺ ڀرسان بچل شاہه بخاري قبرستان ۾ دفنايو ويو. جڏھن ته ريحان پٽ ڪامران سميجو ۽ عرفان پٽ انور بوزدار جي تدفين ميرپورماٿيلو شھر جي لعل شاہه قبرستان ۾ ڪئي وئي.
