ڪڙيو گھنور: ڪڙيو گھنور ويجھو کورواھه روڊ تي ڄام واهھ موري وٽ ٻن رڪشائن ۾ ٽڪر ٿي پيو، جنهن سبب ٻئي رڪشا روڊ ڀرسان کڏ ۾ ڪري پيا، ھڪ رڪشا ڪاٺ سان ڀريل ھجڻ ڪري ڪاٺين ھيٺيان اچي ھڪ ڄڻو رامچند ڪولھي ڌٻجي فوت ٿي ويو، حادثي ۾ ڪڙيو گھنور واسي رميش ڪولھي، ٽنڊو قيصر واسي محسن مغل ۽ جاويد مغل شديد زخمي ٿي پيا، جن کي پوليس پهچي کڻايو ۽ ڳڻتي جوڳي حالت ۾ ھيلٿ سينٽر پهچايو، جتان کين حيدرآباد سول اسپتال منتقل ڪيو ويو. جڏهن ته فوتي نوجوان رامچند ڪولھي جو مڙهھ ضروري ڪارروائي بعد وارثن حوالي ڪيو ويو. نوجوان جو لاش ڪڙيوگھنور بائي پاس ويجھو گهر پھچڻ تي ڪھرام مچي ويو.
