لاڙڪاڻي جي دڙي ٿاڻي جي حد جي ايم سيد پارڪ ۾ نامعلوم شاهينگ نوجوان پورهيت کي ماني ۾ نشو ڏئي بيهوش ڪرڻ بعد چنگچي رڪشا ڪاهي ويا. اهڙي واقعي خلاف متاثر نوجوان پورهيت چنگچي ڊرائيور آفتاب سهاڳ پنهنجي پيءُ الهه ڏنو ۽ مامي سلطان سهاڳ سان گڏجي دانهيو ته گذريل ڏينهن روزگار جي سلسلي جناح باغ وٽ 35 ورهين جي نامعلوم همراهه رتو ڪوٽ لاءِ چنگچي بڪ ڪرائيندي ٻڌايو ته سندس پيءُ جي ڇن جي آپريشن آهي، جنهن بعد وڳڻ شهر وٺي ويو، جتي به سندس جو والد نه هو، ان بعد هن لاڙڪاڻي جي پي ٽي ايس تان بسڪيٽ ۽ بوتل پياري اتاترڪ ٽاور وٽ جي ايم سيد پارڪ ۾ ماني ۾ نشو ڏئي بيهوش ڪرڻ بعد چنگچي ڪاهي ويو. اهڙي واقعي جو اطلاع دڙي ٿاڻي تي ڏنو پر پوليس ڪڏهن مارڪيٽ ته ڪڏهن سچل ٿاڻي جا چڪر ڪٽرائي ڪوڙا دلاسا ڏئي رهي آهي جيڪا وڏي ناانصافي آهي. هن لاڙڪاڻي جي ڊي آءِ جي ۽ ايس ايس پي کي اپيل ڪئي ته چور کي گرفتار ڪري چنگچي رڪشا واپس ڪرائي وڃي.
