سامارو: سامارو لڳ پرڻيل عورت اغوا ٿي وئي، پوليس ڪيس داخل ڪري ڇڏيو. صالح ڀنڀرو ڀرسان ديهھ کن فارم جي رھواسي سليمان ڀٽي سامارو ٿاڻي تي زال نوران کي بچابند ڀرسان ڳوٺ پير تاج جي رھواسي جوابدار ۽ ٻن نامعلوم جوابدارن مٿان اغوا ڪرڻ جو ڪيس داخل ڪرايو آهي. فريادي سليمان ڀٽي ڄاڻايو آھي ته گذريل مھيني جي 25 تاريخ تي جوابدار مھتاب آريسر ۽ ٻن نامعلوم جوابدار ھٿيارن جي زور تي منھنجي زال نوران کي اڇي رنگ جي ڪرولا ڪار ۾ اغوا ڪري کڻي ويا، چڱن مڙسن کي واپسي لا منٿون ڪيون، جن زال جي واپسي جا آسرا ڏنا، پر زال واپس نه ٿي آهي. هوڏانهن ڪيس داخل ٿيڻ بعد پوليس جوابدارن جي گرفتاري ۽ عورت جي بازيابي لا مختلف ھنڌن تي ڇاپا ھنيا، پر جوابدار ۽ عورت نه ملي سگهيا.
