سنڌ حڪومت صوبي ۾ مڪاني چونڊن جي سلسلي ۾ رينجرز جي مقرري جي حوالي سان گهرو وزارت کي خط لکي ڇڏيو آهي. تفصيل مطابق مڪاني چونڊن دوران سيڪيورٽي يقيني بنائڻ ۽ امن امان جي صورتحال برقرار رکڻ لاءِ صوبائي حڪومت رينجرز مقرر ڪرڻ جو فيصلو ڪيو آهي. ان فيصلي سبب گهرو وزارت کي خط لکيو ويو آهي، جنهن ۾ ڪل 9682 رينجرز اهلڪار وسيلن سان مقرر ڪرڻ جي اجازت گهري وئي آهي. خط ۾ واضح ڪيو ويو ته سيڪريٽري اليڪشن ڪميشن آف پاڪستان جي سربراهي ۾ چيف سيڪريٽري سنڌ جي آفيس ۾ مڪاني چونڊون 2022 جي حوالي سان حفاظتي انتظامن کي آخري شڪل ڏيڻ لاءِ هڪ اجلاس ٿيو، جنهن دوران انتهائي حساس پولنگ اسٽيشنز تي وسيلن سان رينجرز اهلڪارن جي مقرري لاءِ هڪ جامع مطالبي تي ڪم ڪيو ويو آهي. سنڌ حڪومت خط ۾ درخواست ڪئي آهي ته چونڊن جي پرامن اهتمام لاءِ سنڌ صوبي ۾ ڪارروائي ۽ مقرري ڪئي وڃي، هن کان اڳ اليڪشن ڪميشن سنڌ مڪاني چونڊن ۾ رينجرز جي مقرري لاءِ سيڪريٽري اليڪشن ڪميشن کي به خط لکيو ويو آهي. هن خط ۾ ٻڌايو ويو ته پولنگ واري ڏينهن تشدد ۽ ٽڪراءُ جي اڻ وڻندڙ واقعن جو خدشو آهي، جنهن کي منهن ڏيڻ لاءِ صوبي جي ڪمشنرز به پولنگ اسٽيشنز تي رينجرز اهلڪارن جي مقرري جي درخواست ڪئي آهي. خط ۾ واضح ڪيو ويو ته پرامن چونڊن جي لاءِ رينجرز ۽ فوج جي جوانن جي مقرري ضروري آهي.
