تعلقي دوڙ جي ڳوٺ بنگل زرداري جي رھواسي مردن ۽ عورتن بااثرن پاران حملو ڪري زخمي ڪرڻ واري عمل خلاف ٻئي ڏينهن به نواب شاهه پريس ڪلب ٻاهران احتجاجي مظاهرو ڪيو ويو. ان موقعي تي گدا حسين زرداري، محرم علي، ڄام خان زرداري، نور بانو، صحت خاتون، مسمات صاحبزادي ۽ ٻين چيو ته برداري جا بااثر زوهيب زرداري، انور زرداري، جاويد زرداري، روشن زرداري، وسيم علي، لقمان علي، رضوان، باقر علي، سبحان علي، شڪيل زرداري ۽ ٻين پلاٽ جي مسئلي تان ٻه ڏينهن اڳ رات جو 3 وڳي 20 کان مٿي هٿياربند ساڻ ڪري گهر ۾ داخل ٿئي چئن پيرسن عورتن سميت 10 ماڻهن کي زخمي ڪري ڇڏيو، پوليس اسان جو ڪيس داخل ڪرڻ لاءِ تيار نه آهي، ھنن مطالبو ڪيو ته انصاف ڪيو وڃي.
