شيخ ڀرڪيو: شيخ ڀرڪيو لڳ کٽ چوري تان ٻن ڌرين ۾ جهيڙو ٿي پيو، جنهن ۾ فائرنگ سبب هڪ ڄڻو قتل ۽ هڪ عورت سميت 5 ڄڻا زخمي ٿي پيا، اطلاع تي هوسڙي پوليس واقعي واري هنڌ پهچي جهيڙي تي ضابطو آندو، قتل ٿيل جو لاش ۽ زخمين کي ايمبولينس ذريعي حيدرآباد سول اسپتال پهچايو ويو، خبر موجب هوسڙي ٿاڻي جي حد ڳوٺ امام بخش لنڊ ۾ جمون خان کوسو ۽ وزير علي کوسو جي ڌرين ۾ کٽ چوري ڪرڻ واري معمولي ڳالهه تان جهيڙو ٿي پيو، جنهن ۾ فائرنگ ڪرڻ سبب جمون خان کوسو قتل ٿي ويو، جڏهن ته هڪ عورت ڀرائي، علي محمد کوسو، سوڍو، غلام حسين ۽ جمن زخمي ٿي پيا.
جن کي هوسڙي پوليس ٿاڻي تان ليٽر ڏئي حيدرآباد سول اسپتال کڻائي وئي. هوڏانهن پوليس جو چوڻ هو ته ڌرين ۾ کٽ چوري ڪرڻ واري معاملي تان جهيڙو ٿيو آهي، جهيڙي ۾ فائرنگ سبب هڪ ڄڻو جمون خان قتل ٿي ويو آهي، عورت سميت 5 ڄڻا زخمي ٿيا آهن، پوليس جو وڌيڪ چوڻ هو ته واقعي جو ڪيس وارثن جي اچڻ بعد داخل ڪيو ويندو.
