پرڏيهي وزير بلاول ڀٽو زرداري چيو آهي ته گلوڪاره روبينا قريشي جي ڪمي هميشه محسوس ٿيندي رهندي. تفصيل مطابق پ پ چيئرمين ۽ پرڏيهي وزير بلاول ڀٽو زرداري روبينا قريشي جي لاڏاڻي تي ڏک جو اظهار ڪيو آهي، بلاول ڀٽو زرداري روبينا قريشي جي مڙس ۽ نالي واري اداڪار مصطفيٰ قريشي سان دلي تعزيت ۽ همدردي جو اظهار ڪيو هن چيو ته روبينه قريشي جي لاڏاڻي سان موسيقي جي دنيا جو هڪ روشن ستارو لهي ويو. روبينه قريشي جي ڪمي هميشه محسوس ٿيندي رهندي پر سندس فن هميشه زنده رهندو، بلاول ڀٽو زرداري مرحومه لاءِ جنت الفردوس ۽ سوڳوار خاندان لاءِ صبر جميل جي دعا ڪئي.
