اسلام ڪوٽ: اسلام ڪوٽ ۾ واپاري ايسوسيئٔيشن جي اڳواڻن، شھرين ۽ پٺاڻ برادري جي ماڻهن امن ريلي ڪڍي، واپاري اڳواڻن ھريش ڪمار، پريم، مکي قيمت لوهاڻو، پرديپ ڪمار، اشوڪ ڪمار، مجنو ميگھواڙ، يوسف جوڻيجو، ڪانجي مل، نواز خان پٺاڻ، مالڪ پٺاڻ ۽ ٻين پريس ڪلب کان خانگي بئنڪ تائين امن ريلي ڪڍي “سنڌي پٺاڻ ڀائر” جا نعرا هنيا. اڳواڻن چيو ته سنڌ ۾ ٿيندڙ بدامني ۽ نفرت جي باهھ کي ٿڌو ڪرڻ لا ھي امن ريلي ڪڍي آهي. سنڌ ۾ امن جي فضا کي قائٔم رکڻ لا ريلي ذريعي پيغام ڏيون ٿا ته سنڌ جو امن ۽ ڀائٔيچارو قائم رکڻ اسان جي ذميواري آهي، جنهن لا گڏيل ڪوششون وٺڻيون پونديون، ڪجھه سازشي ماڻهو سنڌ جو پرامن ماحول خراب ڪري رھيا آھن، جن کي قانون جي گرفت ۾ آندو وڃي.
