حيدرآباد: سنڌي ادبي سنگت جي مرڪزي چونڊن 2022/2023 بابت اليڪشن ڪميٽي پاران شيڊول پڌرو ڪيو ويو آھي. اليڪشن ڪميٽي جي چيئرمين انور ساگر ڪانڌڙي، سيڪريٽري واحد ڪانڌڙي، ميمبر گل شير ڪوريجي ڪالھھ سنڌي ادبي سنگت جي مرڪزي سيڪريٽري جنرل احمد سولنگي سان گڏجاڻي ڪئي، جنھن ۾ حتمي ووٽر لسٽن بابت غور ويچار ڪيو ويو، سيڪريٽري جنرل چونڊ ڪميٽي جي مشوري تحت 25 جولائي تي سمورين شاخن ڏانھن ووٽر لسٽ ۽ نامزدگي فارم جاري ڪندو، اليڪشن ڪميٽيءَ چونڊ شيڊول بھ پڌرو ڪيو آهي، جنھن تحت اميدوارن جا نامزدگي فارم 01 آگسٽ کان 06 آگسٽ 2022 تائين وصول ڪيا ويندا، سنڌ ڪائونسل جو اجلاس 4 سيپٽمر تي صبح جو 10 وڳي حيدرآباد ۾ ٿيندو، سنڌ ڪائونسل جي اجلاس ۾ مرڪزي سيڪريٽري جنرل پنھنجي ڪارڪردگي رپورٽ پيش ڪندو، جڏھن ته صبح جو 12 وڳي کان سنڌي ادبي سنگت جي مرڪزي چونڊ جو سلسلو شروع ڪيو ويندو جيڪو شام پنجين وڳي تائين بنا ساھيءَ جي جاري رھندو.
