پاڪستان پيپلز پارٽي اتحادي پارٽين سان گڏ بيهڻ جو فيصلو ڪيو آهي. پنجاب ۾ ننڍي چونڊ کانپوءِ پيپلز پارٽي جي سينٽرل ايگزيڪيوٽو ڪميٽي (سي اي سي) جو هنگامي اجلاس بلاول هائوس ڪراچي ۾ ٿيو. ميڊيا سان ڳالهائيندي پيپلز پارٽي جي اڳواڻ ۽ سنڌ جي اطلاعات واري وزير شرجيل ميمڻ چيو ته سي اي سي اجلاس ۾ سياسي صورتحال تي غور ڪيو ويو، پارليامينٽ پنهنجو مدو پورو ڪندي، سي اي سي اتحادي پارٽين سان گڏ بيهڻ جو فيصلو ڪيو آهي، قيادت سڀاڻي لاهور ۾ اتحادين سان گڏ اجلاس ۾ شرڪت ڪندي. شرجيل ميمڻ چيو ته عمران خان اليڪشن ڪميشن کي تڪراري بڻائي ڇڏيو، پيپلز پارٽي هميشه جدوجهد ڪئي آهي، اتحادين سان گڏجي مشاورت سان فيصلا ڪيا ويندا. هن چيو ته سڀاڻي لاهور ۾ ٿيندڙ اجلاس ۾ چونڊ سڌارن تي مشاورت ٿيندي، پ پ جي سي اي سي فيصلو ڪيو آهي ته چونڊون وقت تي ٿيڻ گهرجن. هن چيو ته عمران خان کي مسٽر ايڪس ۽ مسٽر واءِ کان معافي گهرڻ گهرجي، پنجاب ۾ ضمني اليڪشن کٽڻ کانپوءِ به عمران هارائي چڪو آهي.
