ٽنڊوالهيار:ٽنڊوالهيار ۾ ٽنڊو سومرو ريلوي ڦاٽڪ تي پٽڙي تي ويٺل ٻن نوجوانن مٿان ٽرين چڙهي وئي، ٻئي فوت ٿي ويا. رپورٽ موجب ٽنڊوالهيار ۾ ٽنڊو سومرو ريلوي ڦاٽڪ وٽ ڪراچي مان ايندڙ ٽرين 2 نوجوانن مٿان چڙهي وئي، جنهن جي نتيجي ۾ هڪ نوجوان حنان شاهه موقعي تي فوت ٿي ويو، جڏهن ته ٻيو نوجوان نادر پٺاڻ سخت زخمي ٿي پيو، جنهن کي فوري طور حيدرآباد نيو ويو، جتي اسپتال ۾ نادر پٺاڻ دم ڏئي ڇڏيو، فوتي نوجوان شهر جي منصور ڪالوني جا رهواسي هئا. موقعي تي موجود ماڻهن ٻڌايو ته نوجوان ريل جي پٽڙي تي ڪچهري ڪري رهيا هئا ته اوچتو ٽرين اچي وئي، ٽرين هارن ڏنو ۽ نوجوان پريشاني سبب ڀڄي نه سگهيا ۽ ٽرين سندن مٿان چڙهي وئي، هوڏانهن ضروري ڪارروائي بعد لاش وارثن حوالي ڪيا ويا، جيڪي گهر آندا ويا ته ڪهرام مچي ويو.
