لاهور/ڪوئيٽا:پنجاب ۾ شديد برساتن جي نتيجي ۾ ٻن ٻارڙين سميت 5 ڄڻا فوت ۽ 9 زخمي ٿي پيا آهن. گجرات ۾ ڇت ڪرڻ جي واقعي ۾ 2 ٻارڙيون فوت ۽ 6 ڄڻا زخمي ٿي پيا، جڏهن ته لاهور ۾ برسات سبب مختلف واقعن ۾ 3 ڄڻا فوت ٿي ويا. هوڏانهن بلوچستان ۾ چوماسي جي شديد برساتن جي نتيجي ۾ فوتين جو انگ 90 ٿي ويو آهي جڏهن ته 4 هزار گهرن کي نقصان پهتو آهي. پي ڊي ايم اي طرفان جاري ڪيل هڪ بيان مطابق برساتن جي ٻئي اسپيل علائقي ۾ مينهن جو 30 سالن جو پراڻو رڪارڊ ٽوڙي ڇڏيو آهي. پي ڊي ايم اي مطابق ماڻهن جي فوت ٿيڻ سان گڏ مختلف حادثن ۾ 63 ڄڻا زخمي پڻ ٿيا آهن.
