گُجو: جنگشاھي ڀرسان قومي شاھراھه کي جنگشاھيءَ سان ملائيندڙ لنڪ روڊ تي واڳون ڏسي گشت ڪندڙ اھلڪارن وائلڊ لائف کاتي کي اطلاع ڪيو. جنگشاھي پوليس جي اھلڪارن مظفر رحيم جوکيو ۽ ڪامران جوکيو جو چوڻ ھو ته ھاليجي ڍنڍ کان 5 ڪلوميٽرن جي فاصلي تي جنگشاھي شھر ويجھو 12 فوٽ ڊگھو واڳون روڊ تي نڪري آيو، ھوڏانھن اطلاع تي پھتل وائلڊ لائيف عملي علي شاھه جي اڳواڻيءَ ۾ پھچي واڳون کي پڪڙي ڍنڍ ۾ واپس پھچايو.
ٻئي پاسي واڳون جي اطلاع تي علائقي ۾ خوف ۽ حراس ڦھلجي ويو آھي، ڳوٺاڻن وزير جوکيو، عبدالرحيم جوکيو عالم خان سالار ۽ ٻين چيو ته واڳون 5 ڪلوميٽر سفر ڪري پھتو آھي ته ان مان ظاھر آھي ته آسپاس جي ڍورن، تلائن، تراين ۽ کڏن کامن ۾ ٻيا واڳون به ٿي سگھن ٿا. ھنن مطالبو ڪيو ته فوري طور سرچ آپريشن ڪري علائقي مان ٻيا واڳون ڳولي علائقي واسين مان خوف ختم ڪيو وڃي.
