ڀارت طرفان پاڻي ڇڏڻ سبب لکين ايڪڙ زمين تباهه ٿي رهي آهي:آصف زرداري

اسلام آباد : اڳوڻي صدر آصف علي زرداري ڀارت پاران پاڪستاني دريائن ۾ پاڻي ڇڏڻ جي سخت مذمت ڪندي چيو آهي ته ڀارت طرفان پاڪستاني دريائن ۾ پاڻي ڇڏڻ انٽرنيشنل معاهدن جي کلي ڀڃڪڙي آهي. ڪالهه پنهنجي بيان ۾ اڳوڻي صدر چيو ته ڀارت جي هن ڏاڍ جي ڪري اسان جا هزارين ڳوٺ ۽ لکين ايڪڙ زمين ٻوڏ سبب تباهه ٿي رهي آهي. ڀارت جي اهڙين حرڪتن جي خلاف هر فورم تي آواز اٿارينداسين.