شاهپورچاڪر لڳ سم نالي کي 50 فوٽ گهارو، آبپاشي عملدار گم

شاهپور چاڪر:شاهپورچاڪر لڳ ڳپچاڻي سم نالي اي آر ڊي هڪ کي ڳوٺ علي گل کوسو وٽان 50 فوٽ کان وڌيڪ گهارو پئجي ويو، پاڻي جي تيز وهڪري سبب گهاري جي ويڪر وڌي رهي آھي، مشينري جي مدد سان علائقي واسي گهارو ٻڌڻ ۾ مصروف آهن، گهاري سبب پلھه ڳوٺ، مير محمد ڪاڪيپوٽو، مسو ڏاهري، حميد ڏاهري، جرار ڏاهري، رانجهن فقير جلباڻي ۽ ٻيا ڳوٺ ٻڏڻ جو خطرو پيدا ٿي ويو، 4 ڪلاڪ گذرڻ ۽ اطلاع باوجود آبپاشي عملدار نه پهتا، ڳوٺ علي گل کوسو جي رهواسين پنهنجا گهر خالي ڪرڻ شروع ڪري ڇڏيا.