سنڌڙي: سنڌڙي ۾ ڪنگهل ڍنڍ ۾ سانگھڙ ضلعي جو پاڻي ڇوڙ ڪرڻ ۽ هيٺ بااثرن پاران ڪنگھل کي بند ڏيڻ خلاف لال خان شاخ جي سوين ڳوٺن جي رهواسين بااثر ڌرين خلاف کپرو-ميرپورخاص روڊ تي احتجاجي مظاهرو ڪري ٽائرن کي باهيون ڏئي روڊ بلاڪ ڪري ڌرڻو هنيو ۽ نعريبازي ڪئي، جنهن سبب ٽرئفڪ جام ٿي وئي، مسافرن کي نه ڇڏڻ ۽ مٿن مبينا طور تشدد ڪرڻ تي فائرنگ ڪئي وئي. خبر موجب ڪنگھل ۾ سانگھڙ جي پيرومل ۽ کپرو ايريا جو پاڻي ڇوڙ ڪرڻ ۽ اڳيان پاڻي کي بند ڏئي بند ڪرڻ خلاف لال خان شاخ جي رھواسين کپروـميرپورخش روڊ تي احتجاجي مظاهرو ڪري ٽائرن کي باهيون ئي ڌرڻو هنيو ۽ انتظاميا خلاف روڊ بلاڪ ڪري نعريبازي ڪئي، جنهن سبب گاڏيون بيهجي ويون. الهرکيو مري، گُلو مري ۽ ٻين دانهون ڪندي چيو ته سانگهڙ کان پيرومل وٽ کپرو-سانگهڙ جي مين روڊ کي غير قانوني ڇنڊڻ رکي پاڻي ڇوڙ ڪري اسان جي سوين ڳوٺن کي ٻوڙايو ويو آهي، ڪنگھل ڍنڍ جي پاڻي ۾ روز اضافو پيو ٿئي. هنن الزام هڻندي چيو ته اسان کان هيٺ پاڻي جو نيڪال ھڪ بااثر شخص ڪرڻ نٿو ڏي، اسان جا گهر تباهه ٿي ويا آهن، زمينون ۽ فصل ختم ٿي ويا، چوپايو مال مري رهيو آهي ۽ اسان دربدر آهيون. معاملي جو فوري طور نوٽيس ورتو وڃي ۽ پاڻي نيڪال ڪرايو وڃي. جڏھن ته 5 ڪلاڪ کان ھلندڙ مظاھري ۾ ڦاٿل گاڏين کي واپس به نه ڇڏيو ۽ مبينا طور ڪيترن ئي مسافرن کي تشدد جو نشانو بڻايو ويو، مظاهرو ڪندڙن مسافرن کي لٺيون هيون، فوج جي رٽارڊ اھلڪار علي نواز شر ۽ حاجي شر جي فئملي کي واپس وڃڻ کان روڪڻ تي منھن ماري ٿي پئي، جنهن دوران مظاھرين مٿن تشدد ڪيو، رٽائرڊ اهلڪار مظاهرين کي ڇڙوڇڙ ڪرڻ لا فائرنگ ڪئي، اطلاع تي پوليس پهچي ٻنهي کي گرفتار ڪري ورتو. مظاھرين پسٽل کسي پوليس کي ڏنو. هوڏانهن 5 ڪلاڪن بعد ڊي ايس پي سنڌڙي سنڌڙي، ڦلھڏيون ۽ دلبر مھر ٿاڻن جي ايس ايڇ اوز ۽ پوليس نفري سان پھتو، جنھن خاطري ڪرائي روڊ کولرايو.
