ٽنڊوڄام: يوم دفاع جي سلسلي ۾ سنڌ زرعي يونيورسٽي ٽنڊوڄام جي انتظام هيٺ هلندڙ بخاري ماڊل هائي اسڪول فارم ڪالوني پاران ايوارڊ تقريب ڪوٺائي وئي، جنهن جو مهمان خاص يونيورسٽي جي ڪراپ پراڊڪشن فيڪلٽي جو ڊين ڊاڪٽر عنايت الله راڄپر هو، جڏهن ته اسڪول مينيجمينٽ ڪاميٽي جي ميزباني هيٺ ان پروگرام ۾ ڊاڪٽر محمود الحسن مغل، ڊاڪٽر ڄام غلام مرتضيٰ سهتو، محمد شهمير لوچي ۽ پرنسپل ميڊم زهريٰ پڻ اسٽيج تي موجود هئا، شاگردن پاران پاڪستان جي دفاع جي حوالي سان تقريرون، قومي گيت ۽ ٽيبلوز به پيش ڪيا ويا، جڏهن ته مختلف مقابلن ۾ پوزيشن ماڻيندڙ شاگردن ۾ مهمانن پاران شيلڊ، سرٽيفڪيٽ ۽ ٻيا انعام به ورهايا ويا، ٻئي طرف شاگردن پاران يوم دفاع جي حوالي سان ماڊل به تيار ڪري نمائش لاءِ پڻ رکيا ويا.
