گهوٽڪي ڀرسان ٻن ڌرين ۾ جهيڙو، فائرنگ ۾ عورت قتل

گهوٽڪي: گهوٽڪي ويجهو ڳوٺ عطا محمد ۾ ٻن ڌرين ۾ پراڻي تڪرار تان فائرنگ جي نتيجي ۾ عورت مختياران سنگهڙ قتل ٿي وئي، جڏهن ته سندس مڙس سيلمان سنگهڙ زخمي ٿي پيو، اطلاع تي پوليس پهچي مقتولا عورت جو لاش ۽ زخمي همراهه کي اسپتال منتقل ڪيو، جنهن کان پو عورت جو لاش پوسٽ مارٽم بعد وارثن حوالي ڪيو ويو. هوڏانهن پوليس جو چوڻ آهي ته واقعو پراڻي تڪرار تان پيش آيو آهي، وڌيڪ جاچ ڪري رهيا آهيون. جڏهن ته واقعي جو ڪيس داخل نه ٿي سگهيو.