پاور ڪمپنين جي ڪارڪردگي مان مطمئن ناهيون، لوڊشيڊنگ بابت وفاق سان ڳالهائيندس:مراد علي شاهه

سنڌ جي وڏي وزير سيد مراد علي شاهه بجلي پيدا ڪندڙ ڪمپنين جي ڪارڪردگي تي عدم اطمينان ظاهر ڪيو آهي. ڪراچي ۾ ميڊيا سان ڳالهائيندي هن چيو ته اسان سنڌ ۾ ماڻهن کي ٻوڏ کان بچائڻ ۾ مصروف آهيون. ڇا گرڊ اسٽيشن به اسان کي بچائڻ گهرجي؟ هن وڌيڪ چيو ته سڀني پاور ڪمپنين جا پنهنجا انجنيئر ۽ اسٽاف موجود آهن، بجلي پيدا ڪندڙ ڪمپنين جي ڪارڪردگيءَ مان مطمئن نه آهيون، سنڌ ۾ لوڊشيڊنگ بابت وفاقي حڪومت سان ڳالهائيندس.