ڊگهڙي ۽ ڀرپاسي ۾ پاڻي ئي پاڻي، متاثر امداد لا پريشان

ڊگهڙي: ڊگهڙي شهر ۽ ڀرپاسي جي علائقن ۾ کليل آسمان هيٺ ويٺل برسات متاثرن جي انتظاميا ڪا واهر نه ڪئي. شهر جون ڪالونيون جيلاني پاڙو، مير جان محمد ڪالوني، رائل سٽي، ڪيسراڻي ڪالوني، راجا ٽائون، عمرالدين ٽائون، شھباز ٽائون ۽ واحد ماڊل ٽائون سميت سوين ڳوٺ اڃا تائين پاڻي ۾ ٻڏل آهن، پر اختيارين پاڻي ڪڍرائڻ لا ڪجهه ناهي ڪيو، ٻهراڙين ۾ مڇرمار اسپري نه ٿيڻ ڪري مڇرن جو آزار وڌي ويو آهي، روڊن رستن تي ويٺل سوين متاثر به امداد لا پريشان آهن. تعلقي اسپتال متاثرن کي کٽون، خيما، راشن ۽ ٻيو سامان ناهي ڏنو.