اسلام آباد :فيڊرل فلڊ ڪميشن (ايف ايف سي) چيو آهي ته سنڌو درياهه ۾ وچولي درجي جي ٻوڏ آهي جنهن ۾ 327000 ڪيوسڪ پاڻي نيڪال ڪيو ويو آهي. جڏهن ته جهلم، چناب، راوي ۽ ستلج سميت سمورا اهم درياهه معمول مطابق وهي رهيا آهن. گذريل ڏينهن ايف ايف سي جي رپورٽ مطابق تربيلا آبي ذخيرن کي وڌ کان وڌ سطح 1550 سطح تي برقرار رکيو پيو وڃي. منگلا ڊيم هن وقت 1193 ڏهائي 5 فوٽ آهي. افغانستان جي اترئين حصن مان اولهه لهر پاڪستان جي اترئين حصن تي آهي. عربي سمنڊ مان ڪمزور هوائون پاڪستان جي مٿانهن علائقن ۾ 5000 فوٽن تائين داخل ٿي رهيون آهن. فلڊ فور ڪاسٽنگ ڊويزن لاهور ايندڙ 24 ڪلاڪن دوران سنڌو درياهه ۽ جهلم جي مٿانهين علائقن سميت اسلام آباد، پنجاب (روالپنڊي ڊويزن) ۽ خيبر پختونخوا ۾ (پشاور ڊويزن) ۾ ڪجهه هنڌن تي گجگوڙ سان هلڪي برسات جي اڳڪٿي ڪئي آهي. ان دوران پنجاب (گوجران والا، سرگوڌا ۽ لاهور ڊويزن) کان علاوه چناب، راوي ۽ ستلج جي مٿانهن علائقن ۾ گجگوڙ سان برسات ٿي سگهي ٿي.
