عمران خان طرفان ٽيليٿون ذريعي 13 ارب 77 ڪروڙ امداد گڏ ڪرڻ جي دعويٰ

تحريڪ انصاف دعويٰ ڪئي آهي ته اڳوڻي وزيراعظم عمران خان جي ٽيون ڀيرو ڪيل ٽيليٿون ۾ ٻوڏ متاثرن لا وڌيڪ 3 ارب 57 ڪروڙ رپين جا فنڊ جمع ٿيا آهن. پاڪستان ۾ ٻوڏ متاثرن جي امداد ۽ بحالي واري عمل لا تحريڪ انصاف چيئرمين گذريل رات ٽيون ڀيرو ٽي وي اسڪرين تي لائيو ٽيليٿون ذريعي اپيل ڪئي، جنهن دوران ساڍا 3 ارب رپين کان وڌيڪ جا عطيا ڏيڻ جا اعلان ٿيا. تحريڪ انصاف موجب عمران خان طرفان ڪيل ٽن ٽيليٿونز ۾ مجموعي طور تي 13 ارب 77 ڪروڙ رپين کان به وڌيڪ رقم گڏ ٿي چڪي آهي.