خيرپور/راضيديرو/اڳڙا: راضيديرو ڀرسان ڪچي ۾ پراڻي تڪرار تان نوجوان قتل، عورت سميت ٻه ڄڻا زخمي خبر موجب راضيديرو ڀرسان ڪچي جي لانڍيون ٿاڻي جي حد ۾ ٻن ڌرين ۾ پراڻي تڪرار ٻيھر ڪر کنيو، جنھن تان ٻنھي ڌرين پاران جديد ھٿيارن سان ھڪ ٻئي تي فائرنگ ڪئي وئي. فائرنگ جي نتيجي ۾ هڪ ڌر جو 25 سالن جو نوجوان سڌير جتوئي پٽ محب جتوئي ٿڏي تي قتل ٿي ويو. جڏهن ته ھڪ عورت سميت 2 ڄڻا ٿي پيا. اهڙي اطلاع تي لانڍيون پوليس لاش کي تحويل ۾ وٺي پوسٽ مارٽم ۽ زخمين کي علاج لاءِ گمس اسپتال گمبٽ آندو، جتان ضروري ڪارروائي بعد لاش وارثن حوالي ڪيو ويو. جڏهن ته زخمين کي لاڙڪاڻو اسپتال منتقل ڪيو ويو. آخري اطلاع تائين ڪوبه ڪيس داخل نه ٿي سگھيو.
