سجاول جوڻيجو ويجهو ڳوٺ بهادر ڀنڊ مان پاڻي نيڪال نه ٿي سگهيو

سجاول جوڻيجو ويجهو ڳوٺ بھادر ڀنڊ برساتن جي پاڻي ۾ ٻڏي ويو، جنھن جو پاڻي اڃان تائين نيڪال ٿي نه سگهيو آهي، جنھن جا رستا اڃان پاڻي ھيٺ ٻڏل آھن. ڳوٺاڻا فوتگي ٿيڻ ڪري فوتي عورت جو مڙهھ اسپتال مان ايمبولينس ذريعي ڳوٺ بھادر ڀنڊ آندو، جتي ڳوٺاڻن فوتي عورت جو مڙهھ کٽ تي کڻي وڏي تڪليف سان گھر تائين کڻي پھتا. ڳوٺاڻن چيو ته اسان تڪ جي چونڊيل نمائندن ۽ انتظاميا کي دانھي دانھي ٿڪجي پيا آهيون پر اسان جي ڳوٺ جو پاڻي نيڪال ناھي ڪرايو ويو رستن تي پاڻي بيٺل آهي.