خيرپور ۾ ڊاڪٽر خلاف ليڊي هيلٿ ورڪرن جو مظاهرو

خيرپور: خيرپور ۾ ڊاڪٽر جي زيادتين خلاف ليڊي هيلٿ ورڪرن عظيمان شر، فيروزان، حميده منگي، ريحانا پروين، ناهيد شاھه ۽ ٻين جي اڳواڻي ۾ مظاهرو ڪيو. هنن چيو ته اسان کي هيلٿ ڊپارٽمينٽ طرفان مقرر ڪيو ويو آهي، جنهن بعد ڊاڪٽر امتياز وساڻ بناجواز تنگ ڪري رهيو آهي، هينئر برساتي پاڻي ۾ وڃي به ٻارن ۽ عورتن کي ويڪسين ڪريون پيا، پر پو به تنگ ڪيو پيو وڃي. هنن صوبائي وزير ڊاڪٽر عذرا پيچوهو ۽ سيڪريٽري صحت سنڌ کان مطالبو ڪيو ته اي ڊي ايڇ او ڊاڪٽر امتياز وساڻ خلاف ڪارروائي ڪئي وڃي.