سڪرنڊ: سڪرنڊ ۾ جسقم ڪارڪنن مسعود شاهه، مورڙيو ميربحر، خير محمد لاکو، ديشي عالم ڪيريو، راڻو جلباڻي، قربان ٻنڀ، شهري اتحاد جي صدر مراد خانزاده، اديب ڪهاڻيڪار محمد صديق منگيو، ايڪشن الائنس سڪرنڊ جي مجيد عباسي، حسين بخش ڪيريو، ايوب کوسو، ذبيح الله انڙ، ايس ٽي پي جي گل انقلابي، ايس يو پي جي قاسم سومرو، سماجي اڳواڻ آفتاب چانڊيو، استاد عبدالقادر گبول، خرم شهزاد، اديب علي نواز ڏاهري ۽ ٻين ٽائون ڪاميٽي سڪرنڊ جي مين گيٽ آڏو احتجاجي مظاهرو ڪري ڌرڻو هنيو. هنن چيو ته سڪرنڊ شهر ۾ بااثر ۽ ٽائون ڪاميٽي سڪرنڊ پاران مختلف چوڪن تي ريڙها بيهاري لکين رپيا اوڳاڙي ڪئي پئي وڃي، سياسي مداخلت سبب سڪرنڊ شهر کنڊر بڻجي ويو آهي، سڪرنڊ شهر جي مختلف سرڪاري ادارن جي زمينن تي بااثر مافيا قبضا ڄمائي مارڪيٽون ٺهرائي ڇڏيون آهن. هنن چيو ته فوري طور تي شهر ۽ زمينن تان ناجائز قبضا نه هٽايا ته احتجاجي تحريڪ هلائي ويندي.
