اسلام ڪوٽ: اسلام ڪوٽ ۾ شاگردن جي مسئلن جي حل لا سنڌي شاگرد تحريڪ پاران سنڌي شاگرد تحريڪ جي ضلعي صدر لو لکاڻي،ڪشور جئپال، نارائڻ سنڌي، عوامي تحريڪ اڳواڻ الله بچايو چارو، اياز کوسو، دليپ ڀيل ۽ ٻين جي اڳواڻي ۾ پريس ڪلب اڳيان احتجاجي مظاهرو ڪري نعريبازي ڪئي وئي. هنن چيو ته سنڌ حڪمرانن جي نااھلي ۽ بدانتظامي سبب ٻڏل آھي، سنڌ جا ھزارين شاگرد سخت متاثر ٿيا آھن، شاگردن جون تعليمي ڊگريون، پاس سرٽيفڪيٽ ۽ ٻيا ڪاغذ ٻوڏ جي پاڻي ۾ لڙھي ويا آھن، ھزارين شاگرد پنھنجي مائٽن سميت دربدر آھن، اهڙي صورتحال ۾ شاگردن لاءِ تعليمي ادارن جون ڳريون فيسون برداشت ڪرڻ ممڪن ناھي، حڪمرانن جي ڪرپشن جي ڪري اڳ ئي سنڌ جي تعليم تباهھ آھي. هنن سنڌ سرڪار ۽ وفاقي سرڪار کان مطالبو ڪيو ته سنڌ جي سمورن تعليمي ادارن ۾ پڙھندڙ شاگردن جون فيسون معاف ڪيون وڃن.
