سجاول جوڻيجو جي گرلس پرائمري اسڪول ۾ بينظير انڪم سپورٽ پروگرام جي ھلندڙ پئسن جي سينٽر تي پوليس اھلڪار ۽ ڳوٺاڻي ۾ جھيڙو ٿي پيو. ڳوٺ علي بخش لغاري واسي پورھيت رضا محمد لغاري دانھيندي چيو ته مان گھرواري کي بينظير انڪم سپورٽ پروگرام جي رقم لا سينٽر تي وٺي آيس جتي گرمي گھڻي ھجڻ ڪري گھرواري کان ننڍڙو پٽ سينٽر اندران وٺڻ ويس ته پوليس اھلڪار نعمت الله گوپانگ ڪڙڪي لٺيون ھنيون آھن. ھوڏانھن ايس ايڇ او سجاول جوڻيجو ٻڌايو ته ڳوٺاڻو زوري سينٽر اندر وڃي رھيو ھو ته پوليس اھلڪار روڪيو، جنهن تان منھن ماري ٿي آھي. ھوڏانھن متاثر پورھيت پنهنجي مائٽن منٺار لغاري، رمضان لغاري سميت ٻين احتجاج ڪندي چيو ته پوليس اھلڪار بيواجبي اسان جي پورھيت کي لٺيون ھنيون آھن. پوليس اختياريون نوٽيس وٺي انصاف ڏيارڻ ۾ مدد ڪن.
