آصف زرداري جي ڦڦڙن ويجهو پاڻي ڀرجي ويو آهي:بختاور

اڳوڻي وزيراعظم شهيد بينظير ڀٽو جي ڌيءَ بختاور ڀٽو چيو آهي ته سندس والد آصف زرداري ڪرونا وائرس کانپو جي اثرن کان گذري رهيو آهي، سندس ڦڦڙن جي ويجهو پاڻي جمع ٿي ويو آهي. سماجي رابطن واري ويب سائيٽ ٽوئيٽر تي پنهنجي پيغام ۾ هن چيو ته اڳوڻي صدر آصف زرداري جو گذريل مهيني ڪراچي ۾ علاج ڪرايو ويو، جنهن سبب هو ٻوڏ متاثر علائقن جو دورو نه ڪري سگهيو. بختاور ڀٽو اڳوڻي صدر جي صحتيابي لاءِ دعا ڪندڙن جو به شڪريو ادا ڪيو.