ڇاڇرو لڳ 2 شڪاري گرفتار، هرڻ جا 2 ٻچا هٿ

ڇاڇرو: ڇاڇرو ويجهو عمرڪوٽ روڊ تي مٺڙيو موڙ اسٽاپ وٽ وائلڊ لائيف کاتي جي ٽيم ڪارروائي ڪندي ٻن شڪارين کي گرفتار ڪري هرڻ جا 2 ٻچا هٿ ڪري ورتا. وائلڊ لائيف کاتي ٿرپارڪر جي ٽيم ڳجهي اطلاع تي ڪارروائي ڪرڻ جي دعوى ڪئي. ٽيم ٻن شڪارين کي هرڻن جي ٻن ٻچن سميت پڪڙي ورتو. وائلڊ لائيف کاتي جي ڪنزرويٽر مير اعجاز ٽالپر چيو ته ٻن شڪارين ڌڻي بخش ڀيو ۽ امام دين نهڙيو جيپ ۾ هرڻ جا 2 ٻچا کڻي وڃي رهيا هئا ته اسان ڇاپو هڻي کين سوگهو ڪيو، شڪاري هرڻ جا ٻچا اسمگل ڪري رهيا هئا، ٻنهي شڪارين خلاف ڪيس داخل ڪيو ويو آهي.