پيرڳوٺ/نئون ديرو: پيرڳوٺ لڳ نوجوان جو گوليون لڳل لاش هٿ، بائيو ميٽرڪ ذريعي نئون ديرو واسي طور سڃاڻپ رپورٽ موجب پيرڳوٺ لڳ عبدالرحمان انڙ ٿاڻي جي حد دڙو موڙ وٽ ڪيلن جي فصل مان نوجوان جو مٿي ۾ گوليون لڳل لاش هٿ آيو. اطلاع تي عبدالرحمان انڙ پوليس واقعي واري هنڌ پهچي لاش تحويل ۾ وٺي پيرڳوٺ اسپتال منتقل ڪيو ويو، جتي فنگر پرنٽ ذريعي نئون ديرو واسي منصور پٽ هارون ڪلهوڙو طور سڃاڻپ ٿي. ٻي پاسي ايس ايڇ او عبدالرحمان انڙ ممتاز ملاح ٻڌايو ته نوجوان جي وارثن کي اطلاع ڏنو آهي، واقعي بابت جاچ ڪري رهيا آهيون. جڏهن ته نوجوان جو لاش پوسٽ مارٽم بعد وارثن حوالي ڪيو ويو. ٻئي پاسي صدر جون ڀٽيون پوليس رابطو ڪرڻ تي ٻڌايو آھي ته صدر جي ڀٽيون ٿاڻي جي حد نئين بچا بند جي ڀر ۾ ڪيلن جي باغ ۾ جوابدارن منصور ڪلهوڙو جو لاش ڦٽو ڪيو آهي، کوجي ڪتن ذريعي پيرا به کنيا آهن، پر ڪو پتو نه پيو آهي. هوڏانهن مقتول نوجوان جي ڀا فراز ڪلھوڙو جو چوڻ آھي ته مقتول گذريل ڏينھن ننڍي ڀا بلاول کي ڪراچي وڃڻ جو ٻڌايو هو، جنهن بعد لاش مليو آهي.
