سامارو: سامارو لڳ ديھه جھلوري جي ڳوٺ قمبر خان ڪپري ۾ زمين تي ويل 38 سالن جي نوجوان ٻن معصوم ٻارن جي پي نظر محمد پٽ نور محمد ڪپري کي ڳوٺ کان ڳچ پنڌ تي سندس زمين تي جوابدار شامون ڪولھي ۽ ٻين سڌيون ڪھاڙيون ھڻي سخت زخمي ڪري ڇڏيو، نوجوان جا وارث پھتا ته جوابدار فرار ٿي ويا، وارثن پوليس کي اطلاع ڪري زخمي کي کڻائي تعلقي اسپتال آندو، جتي ڊاڪٽرن زخمي نوجوان نظر محمد ڪپري جي فوت ٿيڻ جي تصديق ڪئي، جنھن بعد مقتول جي وارثن ڀا سڪندر نيڪ محمد ڪپري ۽ ٻين ڪپري برادري جي ماڻھن تعلقي اسپتال ٻاھران مين روڊ ميرپورخاص تي احتجاجي مظاھرو ڪري ڌرڻو ھڻي روڊ بلاڪ ڪري ڇڏيو، جنھن سبب ٽرئفڪ معطل ٿي وئي. ان موقعي تي مقتول جي ڀا سڪندر ڪپري ۽ ٻين ميڊيا آڏو دانھيندي چيو ته تازو برساتي ٻوڏ جو پاڻي نيڪال ڪرڻ تان ڪجهھ ڏينھن اڳ نوجوان شامون پٽ اجو ڪولھي ۽ ٻين سان اسان جي نوجوان نظر محمد ڪپري جي منھن ماري ٿي ھئي، نظر محمد ڪپري گھرن ڀرسان زمين تي ويل ھو، جتي شامون ڪولھي ۽ ٻين سندس ساٿين نظر محمد کي سڌيون ڪھاڙيون ھڻي قتل ڪيو، اسان رڙين ۽ دانھن تي پھتاسين ته جوابدار فرار ٿي ويا. ھنن پوليس کان گھر ڪئي ته قاتلن کي گرفتار ڪري ڪيس داخل ڪري سزا ڏئي انصاف ڪيو وڃي. جڏھن ته ڊي ايس پي سامارو ممتاز بگٽي پھچي جوابدارن مٿان ڪيس داخل ۽ گرفتاريون ڪرڻ جي خاطري ڪرائي روڊ کولرايو. پوليس لاش پوسٽ مارٽم بعد سڪندر ڪپري حوالي ڪيو، جيڪي کڻائي ڳوٺ قمبر ڪپري ۾ گھر پھتا ڪھرام مچي ويو، مقتول نوجوان کي جنازي نماز بعد اباڻي قبرستان حسن شاھه باغبان ۾ مٽي ما حوالي ڪيو ويو.
