قاضي احمد ڀرسان ٽي اي او خلاف استادن جو احتجاج، بک هڙتال

قاضي احمد: قاضي احمد ۾ پ ٽ الف جي اڳوڻي اڳواڻ استاد شفيع محمد کوسو، استاد فدا حسين شاهه، احمد خان ڪلوئي، استاد عليم لاکو، استاد آصف علي ميرجت، استاد ڌڻي بخش مهر، استاد محمد ياسين چانڊيو ۽ استاد ملهار جوکيو جي اڳواڻي ۾ استادن اسڪول کان ٻانهن تي ڪاريون پٽيون ٻڌي بک هڙتال ڪئي. هنن چيو ته ٽي اي او پرائمري قاضي احمد هن مهيني ۾ به بناجواز پگھارون بند ڪري ڇڏيون آهن، جنهن ڪري پريشان آهيون. ھنن اعليٰ اختيارين کان گهر ڪئي ته ٽي اي او پرائمري ميل قاضي احمد کي ھٽائي استادن سان انصاف ڪيو وڃي.