ملالا يوسفزئي ڪراچي پهچي وئي، ٻوڏ متاثرن سان ملندي

نوبل انعام ماڻيندڙ پاڪستان ڄائي ملالا يوسفزئي ٻوڏ متاثرن جي امداد خاطر پاڪستان پهچي وئي آهي، جيڪا ڪراچي ايئرپورٽ تي پهچڻ بعد هوٽل منتقل ٿي وئي آهي. ميڊيا رپورٽ ۾ ڄاڻايو ويو آهي تھ ملالا سان گڏ سندس والد ضيا الدين يوسفزئي پڻ ڪراچي پهتو آهي.

جڏهن تھ ملالا سرڪاري عهديدارن، امدادي تنظيمن ۽ ٻوڏ متاثرن سان ملاقاتون ڪندي. ملالا فنڊ جي بيان ۾ چيو ويو آهي تھ دوري جو مقصد ٻوڏ سبب ملڪ کي پهتل نقصان ۽ انساني الميي تي دنيا جو ڌيان ڇڪائڻ آهي.