ممبئي: بالي ووڊ جي خوبصورت اداڪارا عاليا ڀٽ جي هم شڪل به سوشل ميڊيا تي ڇانئجي وئي. ميڊيا مطابق عاليا ڀٽ جون وڊيوز سوشل ميڊيا تي وائرل ٿي رهيون آهن، جنهن ۾ اداڪارا عاليا ڀٽ جي هم شڪل ڇوڪري کي پنهنجي ساڳي مسڪراهٽ ۽ وارن سان وڊيو ٺاهيندي ڏسي سگهجي ٿو. روشني انصاري جي نالي ڇوڪري جو اڪائونٽ آهي، جنهن تازو ئي عاليا ڀٽ جي ايڊٽ ڪيل هڪ وڊيو شيئر ڪئي آهي. وڊيو ۾ روشني انصاري کي عاليا ڀٽ جي مشهور فلم “گنگو بائي ڪاٺياواري” جا ڊائيلاگ ڪاپي ڪندي ڏسي سگهجي ٿو. وڊيو تي تبصرو ڪندي سوشل ميڊيا صارفين روشني کي عاليه جي ڪاپي قرار ڏنو آهي.
