پاڪستاني جي نيشنل گرڊ ۾ فني خرابي سبب ڪراچي سميت ملڪ جي مختلف شهرن ۾ بجلي جو ڊگهو بريڪ ڊائون ٿيو آهي. ميڊيا مطابق حبڪو ڄامشورو پاور ٽرانسميشن لائين ۾ ٽرپنگ سبب ڪي اليڪٽرڪ جا سمورا فيڊر بند ٿي ويا آهن، جنهن سبب ناظم آباد، نارٿ ناظم آباد، بهادر آباد، پي اي سي ايڇ ايس، لياقت آباد، پٽيل پاڙا، لسٻيلا ۽ ٻِيا علائقا شامل آهن. جڏهن تھ حيدرآباد سميت ڪيترن ئي شهرن ۾ پڻ بريڪ ڊائون جا اطلاع آهن. ڪي اليڪٽرڪ جي ترجمان پاران جاري ڪيل بيان ۾ ڄاڻايو ويو آهي تھ واپڊا کان بجلي جي فراهمي بند ٿي آهي، ان جا سبب ڄاڻڻ ۽ بحالي واري ڪم ۾ ٽيمون مصروف آهن، جڏهن تھ بجلي جي بحالي جو سلسلو شروع ٿي ويو آهي. هوڏانهن حيدرآباد سميت سنڌ جي مختلف شهرن ۾ بجلي جي بندش بابت حيسڪو جي بيان ۾ چيو ويو آهي تھ اين تي ڊي سي سان رابطو ڪيون پيا. توانائي واري وزارت موجب معاملي جي جاچ ٿي رهي آهي. هوڏانهن ميرپور منگلا پاور هائوس ۾ فني خراب سميت ڪوٽلي ريجن ۾ بجلي بند آهي.
