سنڌ يونيورسٽي ڪئمپس لاڙڪاڻو جي ڪميونٽي سروس سوسائٽي پاران 250 برسات ۽ ٻوڏ متاثرن جي سھائتا لاءِ هفتي کان لڳايل امدادي ڪئمپ ڪالهه به جاري رهي. جتي ڪئمپس جي پرو وائيس چانسلر پروفيسر ڊاڪٽر اظهر علي شاهه، سوسائٽي جي عھديدارن محسن حسين، سويرا ٻوڪ، سارنگ ابڙو، حسنين ھليو، ماهه نور ابڙو، عرفان گاد، وسيم سيتائي، شاگردن ۽ شاگردياڻين سان گڏ استادن ملازمن ۽ شھرين روڪ رقم سان گڏ کائڻ پيئڻ جو سامان، ڪپڙا ٽينٽ ۽ ٻيون شيون جمع ڪرايون. هوڏانهن شاگردن ۽ شاگردياڻين طرفان 250 پيڪيٽ ۾ تيار ڪيل شيون موھن جي دڙي ڀرسان ٻن ڳوٺن جي متاثرن ۾ ورهايون ويون.
