ڪراچي ۾ رات دير سان ڦر مزاحمت تي فائرنگ جا 3 مختلف واقعا پيش آيا، جنهن جي نتيجي ۾ 2 ڄڻا مارجي ويا. ماڙيپور پيپلز گرائونڊ ويجهو ڦر دوران مزاحمت تي فائرنگ ۾ هڪ ڄڻو مارجي ويو ۽ ٻيو زخمي ٿي پيو، پوليس موجب مارجي ويل جي سڃاڻپ 48 ورهين جي محمد ياسين پٽ محمد حبيب سان ٿي آهي، جڏهن ته زخمي جي سڃاڻپ 50 ورهين جي رمضان علي پٽ عبدالله جي نالي سان ٿي. ٻئي طرف سائيٽ ايريا ۾ سپر هاءِ وي تي الحبيب ريسٽورنٽ ڀرسان ڦر مزاحمت تي فائرنگ ڪري هڪ ڄڻو زخمي ٿي پيو، پوليس جو چوڻ آهي ته زخمي ٿيل شخص جي سڃاڻپ 26 ورهين جي فرحان پٽ ابوبڪر طور ٿي آهي. ان کان علاوه شاهه لطيف ٽائون سيڪٽر 22 بي ۾ ڦر دوران مزاحمت ڪندي 50 ورهين جو ٽرڪ ڊرائيور ڦورن هٿان مارجي ويو، جنهن بعد شهرين نيشنل هاءِ وي تي ٽائرن کي باهيون ڏئي ڌرڻو هنيو.
