عمران خان عدالتي ڪميشن واري مطالبي جي آجيان ڪري ڇڏي

تحريڪ انصاف جي چيئرمين عمران خان چيو آهي ته شهباز شريف جيڪا عدالتي ڪميشن جوڙڻ جي ڳالهه ڪئي آهي، ان جي آجيان ڪريان ٿو، پر مون جن 3 ماڻهن جا نالا ورتا آهن، انهن جي موجودگي ۾ شفاف جاچ نٿي ٿي سگهي. لاهور ۾ ميڊيا سان ڳالهائيندي هن چيو ته حملي جي ايف آ آر داخل ٿيڻ منهنجو حق آهي، جڏهن ان جي جاچ ٿيندي ته سڀني کي خبر پئجي ويندي، اسان جي پنهنجي پوليس ئي منع ڪري، اهو ڪيئن ٿو ٿي سگهي.