سنڌ سمال انڊسٽريز ڪارپوريشن ايمپلائيز يونين جي سڏ تي حيدرآباد پريس ڪلب سامهون مظاهرو ڪيو ويو. ان موقعي تي شاهنواز چنا ۽ ٻين چيو ته 2016ع کان ملازمن کي اپگريڊ نٿو ڪيو وڃي. ملازمن جو 11 مهينن جون رهيل پگهارون ۽ پينشن پڻ ادا نٿي ڪئي وڃي، ملازمن جي ملندڙ پگهار مان ڪٽوتي ڪئي پئي وڃي. هنن چيو ته آفيسر ملازمن کي بغير ڪميشن جي پگهار ۽ پينشن نٿا ڏين. هنن چيو ته ملازمن جي اسٽيٽ لائيف ۽ انشورنس پاليسي ختم ڪئي وئي آهي، جيڪو ملازمن سان وڏو ظلم آهي. هنن اپيل ڪئي ته ملازمن جا جائز مسئلا حل ڪري ملازمن مان بيچيني ختم ڪئي وڃي.
