ھوسڙي لڳ باغ واهه ۾ پ پ جيالن برسات متاثرن ۾ شفاف طريقي سان راشن جي تقسيم ڪرڻ تي صوبائي وزير شرجيل انعام ميمڻ جي مان ۾ آجياڻو ڏنو. ان موقعي تي صوبائي وزير شرجيل انعام ميمڻ تي گلن جي ورکا ڪندي جيئي ڀٽو جا نعرا ھڻي کيس ڀليڪار ڪيو ويو. باغ واهه جي ڳوٺ مٺو وگھيو ۾ پ پ جيالن واحد بخش سولنگي ۽ دودو واڍو ۽ راڄ جي چڱن مڙسن اجرڪن ۽ لنگين جا تحفا پيش ڪيا ۽ سنڌي پٽڪو پارايو. ان موقعي تي صوبائي وزير شرجيل انعام ميمڻ خطاب ڪندي چيو ته پيپلزپارٽي عوامي خدمت ۾ سڀني کان اڳڀري آهي، جيڪا پنج ڏھاڪن کان عوامي خدمت ڪري رھي آھي. ھن چيو ته پيپلزپارٽي جي پليٽ فارم تان غريب عوام جي خدمت ڪندو رھندس. پي ايس 63 جي عوام پارٽي قيادت جي ھر حڪم کي لبيڪ ڪندي پنهنجو پاڻ ملھايو آھي. ڪراچي کان ڪشمور تائين پي ايس 63 جي عوام پارٽي قيادت جي شانا بشانا رھي آهي. ھن چيو ته پي ايس 63 جي عوام سان ھر مشڪل وقت ۾ ٻانھن ٻيلي ٿيو آھيان ۽ ٿيندو رھندس.
